Алматы құтқарушылары қала қоймаларының біріндегі өртті сөндіріп жатыр. Бұл туралы қалалық ТЖД хабарлап отыр.
ТЖД мәліметінше, Әуезов ауданы Өтеген батыр көшесінің бойындағы қойма отқа оранған. Онда құтқарушылар жоғары дәрежемен жұмыс істеп жатыр.
19 ақпанда сағат 08:26–да төтенше жағдайлар департаменінің күштері Өтеген батыр көшесі, 15а мекенжайына жіберілді. Оқиға орнына 08:31–де келген өрт сөндірушілер үш қабатты әкімшілік ғимараттың ішіндегі қойманың өртенгенін анықтады. Онда өрт сөндіру автопойызы іске қосылды, — делінген хабарламада.
