«Қазгидромет» РМК синоптиктері 10-12 желтоқсанға арналған ауа райы болжамын жариялады.
Синоптиктердің мәліметінше, апта басында Солтүстік циклон жырасы әсерінен елдің басым бөлігінде ауа райы құбылмалы болады: қар жауып, боран соғады, батыста күн жауын-шашынды (жаңбыр, қар) және көктайғақ болады. Елдің оңтүстігінде кең антициклонның әсерінен жауын-шашынсыз ауа райы сақталады.
Ауа температурасы біртіндеп жоғарылайды:
- түнде батыста 0-8 аязға дейін,
- солтүстік-батысында, солтүстігінде 7-15 аязға дейін,
- орталықта 10-18 аязға дейін,
- шығыста, оңтүстік шығыста 7-20 аязға дейін,
- оңтүстік облыстарда 5-13 аязға дейін.
