Жөндеу жұмыстары Төле би мен Әл-Фараби даңғылы және Абылай хан мен Зенков көшелерінің аралығында болады. Сондықтан «Алматы су» холдингі жөндеу жұмыстарына қатысты тұрғындардан су қорын молынша құйып алуларын ескертіп отыр. Суық су 27-ші және 28-ші сәуірде тоқтатылады.
«27-ші сәуірде сағат тоғыздан 28-ші сәуір күні сағат таңғы тоғызға дейін суық су өшіріледі. Себебі Алмалы, Бостандық және Медеу аудандарында, Желтоқсан көшесі мен Ганди жерінде жұмыстар жүріп жатыр», — деді «Су желісі» МКМ бас инженері Шамшатдин БАҚТЫҒАЛИЕВ.
«Су желісі» МКМ баспасөз қызметі хабарлағандай, аталған аудандардағы білім және денсаулық орталықтарына су тасушылар тұтынушылардың сұранымы бойынша ауыз су жеткізетін болады.
