Әлеуметтік желіде диірмен қызметкерлерінің қазасы туралы ақпарат тарады. Төрт адамның биіктіктен құлағаны хабарланды.
Бұл туралы Қостанай облысының төтенше жағдайлар департаменті хабарлап отыр.
Қайғылы оқиға 6 қазанда болған.
112 пультіне Қостанай облысының Рудный қаласында 5 метр тереңдіктегі бункерді тазалау жұмыстарын жүргізу кезінде төрт адам төмен түсіп, су бетіне шықпай жатқаны туралы хабарлама түсті.
Оқиға орнына төтенше жағдайлар қызметі, полиция және жедел медициналық жәрдем қызметі келді. Құтқарушылар жұмысшылардың денелерін бункерден шығарды. Жедел жәрдем қызметкерлері қайтыс болғанын растады. Оқиғаның мән-жайы анықталып жатыр, — делінген хабарламада.
Бұл фактіні прокуратура растап, полиция тергеу жүргізіп жатқанын айтты.
