Бүгін еліміздің алты қаласында ауа ластанады. Бұл туралы Қазгидромет хабарлап отыр.
2024 жылғы 20 қыркүйекте Петропавл, Ақтөбе, Атырау, Алматы, Қостанай қалаларында, түнде Өскемен қаласында ауа ластануының қолайсыз метеорологиялық жағдайы болады, — делінген хабарламада.
Қолайсыз метеорологиялық жағдай — атмосфералық ауаның беткі қабатында зиян заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдайда елді мекендердегі атмосфералық ауаның сапасы нашарлауы ықтимал.
