Президент Жоғары сот кеңесі төрағасы болған Денис Шиппті қызметінен босатты. Бұл туралы Ақорда хабарлап отыр.
Мемлекет басшысының жарлығымен Денис Алексеевич Шипп Қазақстан Республикасы Жоғары сот кеңесі төрағасы лауазымынан босатылды, — делінген құжатта.
Естеріңізге сала кетейік, осы аптада Қасым-Жомарт Тоқаев ҰҚК төрағасының 2 орынбасарын — Руслан Сейсембаев пен Асқар Әмірхановты қызметінен босатқан еді.
Руслан Сейсембаевтың орнына Бақытбек Рахымбердиев Ұлттық қауіпсіздік комитеті Төрағасының орынбасары – Терроризмге қарсы қызметінің бастығы лауазымына тағайындалған еді.
Оған қоса Әли Алтынбаев ҰҚК төрағасының бірінші орынбасары болып тағайындалды.
