21-23 маусымда Қазақстанда қазақстандық азаматтардың сүйікті Kaspi.kz-тің тиімді сатып алу мерекесі – Kaspi Жұма тағы өтеді.
«Жаз — әрқайсымыз үшін белсенді маусым. Сүйікті клиенттеріміз үйін жөндейді, саяжайын абаттандырады, спортпен шұғылданады, отбасымен және достарымен демалысқа аттанады. Сондықтан Kaspi Жұманы жазда өткізейік деп шештік. Мерекеге дәстүрлі түрде қазақстандық және халықаралық жетекші брендтер, сондай-ақ бүкіл ел бойынша үздік дүкендер қатысады. Сүйікті клиенттеріміздің тиімді сатып алуына, серіктестеріміздің керемет сатуына тілектеспіз!» — деді Kaspi.kz-тің басшысы әрі негізін қалаушылардың бірі Михаил Ломтадзе.
Саяжай бассейндерін, мангалды, ыдысты, велосипед пен роликті, ең жақсы курорттарға тиімді турларды, сондай-ақ құрылыс тауарларын, тұрмыстық техниканы, электрониканы, киімді, аяқкиімді, әшекей бұйымдарды және тағы басқасын Kaspi Жұмада еліміздің танымал дүкендерінен және Kaspi.kz-тегі интернет-дүкеннен сатып алуға болады. Сатып алушыларға сатып алған заттарын есігіне дейін немесе жақын маңдағы Kaspi Postomat-қа тегін жеткізеді.
Мерекеге шағын және орта бизнестің он мыңдаған компаниялары, сондай-ақ Adidas, ADILI, Alina Group, Alser, EuroMebel, EVRIKA, Intertop, Invictus, Қазақювелир, Kari, KIMEX, Комфорт, Мечта, Mon Amie, Leroy Merlin, Nike, Pandora, Qazaq Republic, RESPECT, Sportmaster, Sulpak, Technodom, Zeta, 1Fit, 12 МЕСЯЦЕВ сияқты жетекші қазақстандық және әлемдік брендтер және тағы басқасы қатысады.
Әр Kaspi Жұмаға қазақстандық кәсіпкерлер – Kaspi.kz серіктестері көптеп қатысып жүр. Отандық компаниялар үшін бұл сату көлемін бірнеше есеге арттыруға, дамуына және жаңа жұмыс орындарын ашуға мүмкіндік береді.
