Қазақстан «Талибан» қозғалысын тыйым салынған ұйымдар тізімінен шығарады.
Бұл туралы Kazinform тілшісіне берген сұхбатында ҚР сыртқы істер министрлігінің ресми өкілі Айбек Смадияров айтты.
Қазақстан тыйым салынған лаңкестік ұйымдардың ұлттық тізімін өзектілендіру мақсатында тұрақты түрде қайта қарап отырады. Осы процес аясында БҰҰ тәжірибесіне сәйкес «Талибан қозғалысын» одан шығару туралы шешім қабылданды, — деді Айбек Смадияров.
Оның айтуынша, БҰҰ қауіпсіздік кеңесінің міндетті болатын қарарларына сәйкес, «Талибан» қозғалысы БҰҰ қауіпсіздік кеңесі террористік деп таныған ұйымдар тізіміне енбеген.
Саяси байланыстарға келетін болсақ, Қазақстан қауіпсіздік кеңесі мен БҰҰ бас ассамблеясы қабылдаған шешімдер мен қарарларды әрі қарай да қатаң ұстанатынын атап өткім келеді, — деді Айбек Смадияров.