Ана мен бала денсаулығын сақтау департаменті директорының орынбасары Әйгерім Оспанова орталық коммуникациялар қызметінде қызылша жұқтырған 29 баланың жансақтау бөлімінде жатқанын мәлімдеді.
Балаларға келсек, негізі 2 079 бала стационарлық ем алып жатыр. Күнделікті 300-ден астам бала шығарылып, 400-ге жуық бала түсіп жатыр. Оның ішінде 2 911 төсек орны бар. Бұл балаларға белгіленген. Оның ішінде 139 реанимациялық төсек бар. Қазір ол төсектердің пайдаланылуы – 52%. Бүгінгі таңдағы жағдай бойынша 29 бала реанимацияда болды. Оның ішінде 11-і бір жасқа дейінгі бала, 13-і үш жасқа дейінгі бала, — деді ол.
Маманның айтуынша, бұл балалардың жағдайына тұрақты мониториң тағайындалған.
Сондықтан әр баланың хал-жағдайы бақылауда ұсталып, өңірлерге қажет консультациялар жүргізіледі. Бұл 29 баланың жағдайы орташа деп белгіленген. Сонымен қатар күнделікті график бойынша бүкіл медициналық ұйым дәрігерлерін оқытып жатырмыз, — деді Әйгерім Оспанова.