Қазақстанда атом энергетикасын дамыту стратегиясы әзірленіп жатыр

Елімізде атом энергетикасын дамыту стратегиясы әзірленіп жатыр. Бұл туралы энергетика вице-министрі Жандос Нұрмағанбетов айтты.

Министрлікке атом саласын дамыту стратегиясы бойынша тапсырмалар берілді. Біз тапсырманы орындауға кірістік. Қазіргі кезде стратегияны даярлап жатырмыз. Онда қауіпсіздік технологиясына, атом саласы бойынша нақты технологияны таңдау, энергия балансы құрылымында атом генерациясы көлеміне қатысты мәселені қамтып, олар бойынша тиісті жауапты беріп, құжатты үкіметтің қарауына енгіземіз, — деді вице-министр орталық коммуникациялар қызметіндегі баспасөз мәслихатында.