Алматы тауларында жоғалып кеткен аустралиялық туристің денесі табылды. Бұл туралы Алматының құтқару қызметі хабарлады.
23 мамыр күні 15:45-те құтқарушылар аустриялық турист Herd Jake Michael-дің денесін Аюсай тау шатқалынан тапты. Оның жанында құжаттары мен жеке заттары болған. Алдын-ала ақпарат бойынша, ол құлап қайтыс болған, — делінген хабарламада.
Баспасөз қызметінің мәліметінше, іздестіру жұмыстары бір тәулікке жуық жүргізілді.
Іздеу жұмыстарына құтқару қызметі мен ТЖД құтқарушылары, полиция қызметкерлері мен еріктілер қатысты. Жалпы көлемде 80 адам, 20 арнайы техника және бір кинологиялық есеп жұмыс істеді, — делінген хабарламада.
Еске салайық, бұған дейін Алматы тауларында аустралиялық туристің жоғалып кеткені хабарланған еді.
