Жамбыл облысында есірткі саудасымен айналысқан қылмыстық топ ұсталды

Жедел-іздестіру шараларын жүргізген полиция қызметкерлері бір сәтте 5 күдіктіні құрықтаған. Олар Шу ауданынынң тұрғындары болып шықты. Тінту барысында 100 келіден асатын есірткінің ірі партиясын анықтаған, сонымен қатар АК-СУ автоматы мен 30-дан аса түрлі оқ тәркіледі. 

Күдіктілер уақытша ұстау изоляторына қамалды. Оларға қылмыстық кодексінің бірнеше баптары бойынша іс қозғалып, тергеу басталды.

Аталған ұйымдасқан қылмыстық топтың мүшелеріне қатысты ҚР қылмыстық кодекстің 297-бабы 3-бөлігімен, ҚР қылмыстық кодекстің 296-бабы 4-бөлігімен және ҚР қылмыстық кодекстің 287-бабымен сотқа дейінгі тергеу амалдары жүргізіліп жатыр, — деді облыстық ПД бастығының орынбасары Нұржан Рахметуллаев.