Президенттің айтуынша, әңгіме Алматыдағы ауа-райы туралы өрбіген. Шетелдік сарапшы Елбасыға «Алматы елдің оңтүстігінде орналасқандықтан, қар жаумай қалады деп қауіптенбейсіз бе?» деген сыңайда сауал тастапты.
«Егер Алматыда қар жаумай қалса онда Астанадан алып келеміз. Шүкір, қазір Алматыда қар өте мол, жарыс күндері де қар азаймайды деп үміттенеміз», – деді президент Нұрсұлтан Назарбаев салтанатты рәсім кезінде.
Универсиаданың ашылу салтанаты «Алматы-Арена» мұз сарайында аса жоғарғы деңгейде өтті. Ертеңнен басталатын спорттық додада 57 елден келген 2000-нан астам спортшы бақ сынамақ.
