Әскери оқу орындарында IT-мамандарын даярлау күшейтілді

Қазақстанның Қарулы күштерінде IT-технологиялар саласының мамандарын даярлауда қажетті жағдайлар жасалып жатыр. Бұл әсіресе цифрлық технологиялармен әскери саланы қамту қарқынын ескеруде өзекті.

Әскери ведомство «Цифрлық Қазақстан» мемлекеттік бағдарламасын іске асырып, басқару жүйелерін автоматтандырумен және әскери мақсаттағы ақпараттық жүйелерді енгізумен айналысады.

Ел президенті – Қарулы күштердің жоғарғы бас қолбасшысы Қасым-Жомарт Тоқаевтың тапсырмасына сәйкес, әскерлерді басқаруда цифрлық технологияларды дамыту, сонымен қатар кибер және ақпараттық кеңістіктегі іс-қимылдардың тактикасы мен стратегиясын әзірлеу міндеттері іске асырылып жатыр,- делінген хабарламада.

Қорғаныс министрлігі IT-индустрияны және Қарулы күштерде «Цифрлық Қазақстан» бағдарламасын интеграциялау және әскерлердің күнделікті тыныс-тіршілігін тиімді басқару үшін осы бағыттағы мамандарды даярлау жүйесін дамыту және жетілдіру жоспарын әзірледі.

ІТ-мамандарын даярлайтын Радиоэлектроника және байланыс әскери-инженерлік институты Халықаралық ақпараттық технологиялар университетімен меморандум жасасты. Алғашқы мамандар 2021 жылы бітіріп шықты. Бүгінгі таңда 30-дан астам курсант «Әскери істегі киберқауіпсіздік» мамандығы бойынша білім алып жүр,- делінген хабарламада.

IT және киберқауіпсіздік мамандарын даярлау бағдарламалары қайта қаралып, ақпаратты қорғау кафедраларының оқу жоспарларына өзгерістер енгізілді. Ақпараттық-коммуникациялық технологиялар кафедрасына басқарудың автоматтандырылған жүйелері кафедрасы қайта бейінделеді. Бағдарламаларды жасақтау және ақпараттық жүйелерді құру саласындағы реформалау әскери IT-мамандарды даярлауды жүзеге асыруға мүмкіндік береді.