Бұл туралы Хабар 24 телеарнасы хабарлады.
Баға динамикасы тұрғын үй алаңдарының тапшылығы, құрылыс жұмыстарының құны, сонымен қатар халықтың зейнетақы жинағын пайдалану мүмкіндігіне байланысты. Қазақстандағы тұрғын үй қорының 40% үш қалада: Алматы, Шымкент және Нұр-Сұлтанда шоғырланған.
Ол жерден адамдар Отбасы банктегі депозиттік шоттарына ақшаны аудару мүмкіндігіне ие болып отыр. Ол 1, 2 миллион болуы мүмкін. Ол аударған күннің өзінде 3 жыл уақыт беріледі. 3 жылдың ішінде асықпай өзіне тиісті қаражатты жинап сосын ғана нарыққа шығады. Демек былтырғыдай сұранысты туғызбайды деген сөз, — дейді экономист Мақсат Халық.
Сарапшылар пікірінше, нәтижесінде 2022 жылдың ортасына қарай тұрғын үй нарығында динамика біршама төмендеуі мүмкін.
Менің ойымша нарықта сұраныс азайса, баға тұрақталуы мүмкін. Келесі жылы бағаның өсімі биылғыдай болмайды. Ал сатып алушылардың саны екі есе төмендейді. Екінші деңгейлі банктер де өздерінің ипотекалық бағдарламаларын қайта қарастыратыны сөссіз, — дейді риэлтор Лариса Алексеенко.
Сарапшылардың айтуынша, жақын болашақта Қазақстанда тұрғын үй бағасының өсу үрдісі сақталады. Нарық құрылыс секторына ірі инвестициялар тартылған жағдайда ғана тұрақталуы мүмкін. Бұл процесс бір жылдан аса уақытты алады.