Бұл туралы Ақорданың баспасөз қызметі хабарлады.
Қасым-Жомарт Тоқаев Каспий құбыр консорциумы жобасының өзі үшін ерекше маңызы бар екенін айтты, себебі президент оның құрылысы мен іске қосылуына қатысқан.
Вагит Юсуфович Алекперов (ЛУКОЙЛ Ресей мұнай компаниясының президенті – Sputnik) де қатысты. Ол жақында маған қазіргіге қарағанда басқаша болғанымызды көрсететін фото берді. Қалай болса да осы жобаны іске қосудың ашылу рәсімі қалай өткені есімізде, — деді президент.
Қазақстан президенті жобаның іске асырылуы Теңіз, Қарашағанақ және Қашаған секілді ірі кен орындарын игеруге серпін бергенін айтты. Осы кен орындары қазір елдегі мұнай өндірісінің 60%-ін қамтып отыр. Консорциум Қазақстан мен Ресейдің, сондай-ақ Chevron, Eni, ЛУКОЙЛ, Shell және басқа жетекші мұнай компаниялары қатысатын ірі халықаралық мұнай тасымалдау жобасына айналды.
Қазақстан мен Ресей басшыларының оның барлық қатысушылары арасында ымыраға қол жеткізу үшін көп күш-жігерін жұмсаған көп жылғы келіссөзі есімізде, — деді Қасым-Жомарт Тоқаев.
Президенттің айтуынша, қазір Каспий құбыр консорциумы барлық акционердің үйлесімді жұмысы нәтижесінде үлгі болып отыр. 2001 жылдан бастап Каспий құбыр консорциумы мұнай құбыры арқылы әлемдік нарыққа 750 миллион тоннадан астам Қазақстан мұнайы экспортталды. Оның өткізу қабілеті 2,5 есе, жылына 67 миллион тоннаға дейін өсті.
2023 жылға қарай бұл көрсеткішті 80 миллион тоннаға дейін жеткізу жоспарланып отыр. Өткен жылы Каспий құбыр консорциумы өзінің қаржылық тұрақтылығын растап, акционерлерге қарызын төледі, — деді Қазақстан президенті.
Тұтастай алғанда консорциум елдің экономикалық дамуына және азаматтардың әл-ауқатын қамтамасыз етуге елеулі үлес қосып, Қазақстанның мұнай-газ кешенінің негізгі элементі болып отыр.
Әсіре сілтемей-ақ Каспий құбыр консорциумы – мегажоба, оның болашағы зор деп үміттенемін, — деп түйіндеді Қасым-Жомарт Тоқаев.
Каспий құбыр консорциумы – Қазақстан мен Ресей аумағында жұмыс істейтін Теңіз – Новороссийск құбыр желісі. Оның ұзындығы 1,5 мың шақырым. Мұнай құбыры арқылы Қазақстанның барлық экспорт мұнайының үштен екісінен астамы, сондай-ақ Ресей кен орындарынан шикізат, оның ішінде Каспийде орналасқан кен орындарынан шикізат тасымалданады.