Президент сонымен бірге зардап шеккен азаматтардың тезірек сауығып кетуіне тілектестік білдірді. Бұл туралы Ақорданың баспасөз қызметі хабарлады.
Мемлекет басшысы Үкіметке шахтерлардың отбасына көмек беруді тапсырды. Болған оқиғаның анық-қанығын анықтау мақсатында үкіметтік комиссия құрылды. Министр Юрий Ильин бастаған Төтенше жағдайлар министрлігінің бөлімшелері апат болған жерде тиісті жұмыстарды жүргізуге кірісті, — делінген хабарламада.
Еске салайық, бүгін, 7 қараша күні, сағат 08.37-де Қарағанды облысындағы «Абай» шахтасында метан газының кенеттен жарылуынан 6 адам қаза тапты. 2 адам зардап шекті. Екеуі де жансақтау бөлімінде жатыр.
Қаза тапқан және зардап шеккен кеншілердің аты-жөні жарияланды.
Шахтада барлығы 64 жұмысшы болды. 56 адам бірден өзін өзі эвакуациялаған.