Орталық Алматыдағы Іле-Алатау ұлттық паркінде жұмыс істейтін болады. Қазіргі уақытта Қор мен Ұлттық парк арасында ғылыми қызмет туралы шартқа қол қойылған. Орталықты құру жобасы БҰҰДБ, ЮНЕП, сонымен бірге дүниежүзілік жабайы табиғат қорының (WWF) қатысуымен жүзеге асырылады.
Snow leopard foundation Қазақстан аумағында орталықты құруға қатысуға тарту мақсатында кавказ қабыланы мен амур жолбарысының популяциясын сақтау және ұлғайту ісінде тәжірибесі бар Ресей тарапымен келіссөздер жүргізді.
Қытай тарапының ықтимал қатысуына келетін болсақ, Қор белгілі меценат және филантроп Джек Ма қорымен ынтымақтастықты талқылауға ниетті. Қытайлық әріптестерге бірлескен жұмыс перспективаларын одан әрі талқылау үшін қар барыстарын сақтау және өсіру орталығы бойынша презентация жолданды, – делінген хабарламада.
Орталықтың жұмысы қар барыстарын зерттеу бойынша алғашқы ғылыми зертхана құруды көздейді. Зертханада ғалымдар үшін арнайы әзірленетін қосымшалары бар жеке деректер қоры болады. Бұл Қазақстандағы қар барыстарының экожүйесін есепке алу және зерттеу нәтижелерін жүйелендіруге мүмкіндік береді.
Дүниежүзілік жабайы табиғат қоры бұл бағыттағы серіктес болмақ. Бүгінгі күні Талғар шыңының маңайында 3 мың метр биіктікте 90-нан астам фототұзақ орнатылып, «Алтын Емел» саябағында және тағы басқа 23 қар барысына ID төлқұжаттар тағайындалды. Ғалымдардың бағалауынша, қазіргі уақытта Қазақстанды 130-ға жуық қар барысы мекендейді. Қордың мақсаты – алдағы 10 жылда оның санын көбейту.
Айта кетейік, осыдан 3 апта бұрын Қор және зоология институтының ғалымдары Алматы облысының «Алтын Емел» ұлттық паркінде қар барыстары бар жаңа ортасын тіркеді. Бұған дейін ұлттық паркте қар барысы болған жоқ. Олар 20 ғасырдың 50-ші жылдарында КСРО кезінде-ақ жойылған еді.