Алматыда түнде жаңбыр жауып, оның соңы қарға айналды. Мамандардың айтуына қарағанда, түнде қалаға 3 сантиметр, ал таулы аймақтарға 6 сантиметр қар түсті.
Көктайғақтың алдын алу үшін жолдарға, қиылыстарға көктайғаққа қарсы материалдар себілді.
Алматының тұрғын үй саясаты басқармасы автокөлік иелеріне ауа райына байланысты жазғы дөңгелектерін қысқыға ауыстыруды ескертті.
Қаладағы қар тазалау жұмыстарына 285 техника, оның ішінде 97 құмлақтырғыш және 164 жол жұмысшылары жұмылдырылды. Аудандық әкімдіктерде қар тазалау жұмыстарының барысын бақылау бойынша тәулік бойы кезекшілік ұйымдастырылды.
