Айдын Айымбетов 1972 жылы Алматы облысы, Талдықорғанға қарасты Өтенай ауылында дүниеге келген.
Айта кетейік, ол Әскери − әуе күштері қатарында ұшқыш-жауынгер және әуе командирі ретінде қызмет атқарды. 2015 жылы қыркүйекте «Союз ТМА-18М» ғарыш кемесінің бортинженері ретінде халықаралық ғарыш стансасына ұшты.
2009-2010 жылдары – Ұлттық ғарыш агенттігі төрағасының кеңесшісі;
2010-2011 жылдары – ҰҒА Ғарыш қызметін дамыту департаментінің директоры;
2011-2014 жылдары – «ҰҒЗТО» АҚ «Сұлтанғазин атындағы ғарыштық зерттеулер институты» ЕЖШС Ғарыштық технологияларды ақпараттық-оқытушылық қамтамасыз ету басқарма басшысының орынбасары;
2014-2016 жылдары – «ҰҒЗТО» АҚ «Ғарыштық техника және технологиялар институты» ЕЖШС директорының орынбасары;
2016-2019 жылдары – «Қазақстан ғарыш сапары» ҰК» АҚ Ғарыш жүйелерін жасау және пайдалану жөніндегі вице-президенті.
2019-2021 жылдары – «Қазақстан Ғарыш Сапары» ҰК» АҚ басқарма төрағасының орынбасары – өндіріс жөніндегі басқарма мүшесі.
Сонымен бірге Айдын Айымбетов – ҚР ұшқыш-ғарышкері, әуе генерал-майоры. «Халық Қаһарманы», «Қазақстанның ғарышкер-ұшқышы», «Отан» ордені мемлекеттік награда мен құрмет атақтарына ие.