Тиісті жарлық Ақорданың сайтында жарияланды.
«Қызметтік борышын атқаруда көрсеткен ерлігі мен жанқиярлығы үшін наградталсын:
ІІ дәрежелі «Айбын» орденімен
Байғазиев Нұрбол Назарбайұлы (марқұм) — Ішкі істер министрлігінің Алматы қаласы полиция департаментінің Алатау ауданы полиция басқармасының жанындағы полиция бөлімінің учаскелік инспекторы;
Сүлеев Дархан Дауылбайұлы (марқұм) — Ішкі істер министрлігінің Алматы қаласы полиция департаментінің Алатау ауданы полиция басқармасының жанындағы полиция бөлімінің учаскелік инспекторы.
«Ерлігі үшін» медалімен
Әбенов Мұрат Бақбергенұлы (марқұм) — Жеке сот орындаушыларының республикалық палатасының мүшесі, Алматы қаласы».
Еске салайық, 20 қыркүйекте сағат 17.00 шамасында Алматының Алатау ауданы Ақбұлақ шағынауданында бір ер адам 5 азаматты, оның ішінде 2 полиция қызметкері мен сот орындаушысын және үйдің жаңа иесі мен оның танысын атып өлтірді.