Айжан Кәрібаева
Арна атауы: kerbezful
Жазылушы саны: 5 600
Айжан Америка саяхатынан, күнделікті Алматы өмірінен және де түрлі тақырыптағы макияж жасау, шаш бұйралау, сән, музыка, кино, кітап тақырыптарында видео-блогтар түсіреді. Қазіргі таңда Айжанның арнасында 85 видео бар.
Марфуға Шапиян
Арна атауы: Марфуға Шапиян
Жазылушы саны: 724
Кітап оқығыңыз келеді, бірақ қайсынан бастауды білмей жүрсіз бе? Онда бұл арна сіз үшін. Ол жерден Марфуғаның өзі оқыған кітаптары туралы рецензиясын тыңдап, Моңғолияға сапары мен одан да өзге тақырыптардағы танымдық видеоларды тамашалай аласыз. Марфуғаның арнасында қазір 22 видео бар.
Айдана Аламан
Арна атауы: Айдана АЛАМАН
Жазылушы саны: 202
Қандай кино көруді білмей жүрсеңіз, Айдананың арнасына кіріп, отандық киноөндірістің жаңа туындылары туралы ойларымен танысып шығуға шақырамыз. Ол «Біздің өнер» айдарында кино және театр туындылары туралы сөз етеді.
Жандос Құсайынов
Арна атауы: Channel Z
Жазылушы саны: 375
Жандостың арнасынан да сапалы кинорецензиялар табуға болады. Ол «Жақсы кино» тақырыбында өзі көрген фильмдер туралы ойларымен бөліседі. Киносүйер қауым үшін таптырмайтын блог. Алайда, видеолар сирек жаңартылатынын ескерте кетейік.
Айжан Аксамбаева
Арна атауы: Айжан Аксамбаева
Жазылушы саны: 1088
Айжан өз көрермендеріне мамандық таңдап, ҰБТ тапсыру, оқуға түсу, ағылшын тілін үйрену, IELTS тапсыру сынды пайдалы кеңестерін ұсынады. Орыс тілінде де влог жүргізеді.
Гүлназ
Арна атауы: GK Queen
Жазылушы саны: 9 478
Гүлназдың тақырыптары сан алуан. Ол арнасын «Жаужүрек Гүлназ», «Сұрақ&Жауап», «Анау-мынау», «Шаш үлгілері», «Күтім&Кеңес», «Тағам дайындау», «Өз қолыңмен жаса» деген айдарларға бөліп қойған.
Іңкәр Садуақасова
Арна атауы:Инкар Садуакасова
Жазылушы саны: 4 800
Іңкәр өз арнасында саяхат, ән және өзге де тақырыптарға видео-блогтар түсіреді. Жас та болса, 5 мыңға жуық көрермені бар жас влогердің туындылары қызықтырса, қарап шығуға кеңес береміз.
