Аталған факті бойынша ҚР Қылмыстық кодексінің 99-бабы 2-бөлігі «Кісі өлтіру» бойынша қылмыстық іс қозғалды. Қылмыс жасағаны үшін 20 жылға дейін бас бостандығынан айыру немесе өмір бойына бас бостандығынан айыру жазасы қарастырылған, — деді Рустам Әбдірахманов.
Қазіргі уақытта оқиға орнында жедел-тергеу тобы жұмыс істеп жатыр. Оқиға болған жерді полиция қоршауға алды.
Еске салайық, бүгін, 20 қыркүйекте сағат 17.00 шамасында Алматының Алатау ауданы Ақбұлақ шағынауданында ер адам 5 азаматты, оның ішінде 2 полиция қызметкері мен сот орындаушысын атып өлтірген.
Полиция мәліметінше, қазіргі уақытта күдікті ұсталып, қылмыстық іс қозғалған.