Жамбылдағы жарылыс: қаза тапқандардың отбасына 15 миллион теңгеден беріледі

Жамбыл облысындағы жарылыс салдарынан қайтыс болғандардың отбасына 15 миллион теңгеден беріледі. Бұл туралы Жамбыл облысы әкімінің орынбасары Талғат Шадиұлы айтты.

15 адам қайтыс болды. Осы қайтыс болған қызметкерлерге тиісті көмек беру жұмыстары жүргізіліп жатыр. Республикалық бюджеттен 10 миллион, оған қоса, жергілікті бюджеттен 5 миллион теңге әлеуметтік төлем төленетін болды және қазір банктермен жұмыс істеп жатырмыз. Несиелері болса, көмек беру немесе қысқарту мәселесі, — деді Талғат Шадиұлы Aibat жаңалықтар қызметіне берген сұхбатында.

Талғат Шадиұлы сонымен бірге үй кезегінде тұрғандар мәселесі де қарастырылып жатқанын және мұны қосымша хабарлайтынын айтты.

 

Посмотреть эту публикацию в Instagram

 

Публикация от @aibat__kz

Еске салайық, 26 тамызда кешкі уақытта Жамбыл облысы Байзақ ауданындағы әскери қоймада жарылыс болды. Салдарынан 15 адам қаза тапты. 10 марқұмды президент Қасым-Жомарт Тоқаев мемлекеттік наградамен марапаттады.

Қазақстан халқы 29 тамызда Жамбылдағы жарылыстан қаза тапқандарды аза тұтты.