Жағдайы тұрақталған өңірлердегі ведомствоаралық комиссияға демалыс күндері Ashyq жобасына қатысатын бизнес субъектілері үшін шектеу шараларын жеңілдету мәселесін қарауды тапсырамын. Ералы Лұқпанұлы, бұл сіздің бақылауыңызда, — деді үкімет басшысы.
Жалпы, оның айтуынша, елдегі эпидемиология жағдайы жақсарып, вирус жұқтыру деңгейі біртіндеп төмендей бастаған.
Өткен аптада вирустың репродуктивті индексі 1-ден төмен болды, қазір — 0,93. Сонымен бірге Түркістан облысынан басқа барлық өңір «қызыл» аймақта. Инфекциялық төсектердің толуы 49% және реанимациялық төсектертер — 46%. Барлығы 6,5 миллионға жуық адам бірінші компонентпен егілді, екінші компонентпен 5 миллионнан аса адам егілді. Вакцинация науқанын одан әрі күшейту қажет, — деді Асқар Мамин.