Әлемдегі ахуал күрделі болып отыр. Дүниежүзінде коронавирус инфекциясының шамамен 208 миллион жағдайы тіркелген. Тәулігіне 480 мыңнан астам жағдай тіркеліп отыр. 4,3 миллионнан астам адам қаза тапты. Дүниежүзілік денсаулық сақтау ұйымының 6 өңірінің төртеуінде шілде айының екінші онкүндігінен бастап науқастанудың артуы байқалады. Жаңа жағдайлардың айтарлықтай өсімі Америка елдері өңірінде, Тынық мұхитының батыс бөлігінде тіркелген, — деді Алексей Цой.
Министрдің дерегінше, Дүниежүзілік денсаулық сақтау ұйымына мүше 228 елдің 38-інде аурудың жаңа жағдайлары 50% астам артып отыр.
Кейінгі аптада аурудың ең жоғары өсімі Әзербайжанда байқалды. Бұл елде бір аптаның ішінде ауру 131%, ал Израильде 63, Жапонияда 21% өршіді. Қазақстанда апта ішінде өсім 2% төмендеді, — деді ведомство басшысы Үкімет отырысында.
