Бұл туралы жергілікті «Мой ГОРОД» порталы хабарлады.
КамАЗ-дың жылқы тиелген тіркемесі болған, ал Mercedes-Benz жүк көлігі бос келе жатқан. Екеуі соқтығысып, кейін жүк көліктері өртенген.
Батыс Қазақстан облысы төтенше жағдайлар департаментінің хабарына қарағанда, жол-көлік оқиғасы 15 мамырда сағат 23.56-да Қаратөбе ауданының маңында, Самара-Шымкент тасжолының 464-ші шақырымында болған.
40 жылқы тиелген КамАЗ бен түрік нөмірлері тіркелген Mercedes-Benz Actros фурасы бетпе-бет соғысқаннан кейін өрт шықты. Ауыр жүк көліктері толығымен өртеніп кетті, 39 бас жылқы да өртенді. Көліктерден күйген екі мәйіт шығарылды, бір адам әртүрлі жарақаттармен Сырым ауданының орталық аймақтық ауруханасына жатқызылды. Қаза тапқандардың жеке басы анықталып жатыр, — деді ведомствоның баспасөз қызметіндегілер.
Өрт сағат 04.47-де сөндірілген.