Қармақшы ауданының әкімі Мұса Қалдарбеков Жосалы кентіндегі көшелерге жаңадан арықтар қазу және көше аралық арықтарды тазалау жұмысымен танысып, кент әкімі мен тиісті сала басшыларына нақты тапсырмалар берді.
Тұрғындардың аулаларында бау-бақша егуі үшін кентте жаңадан арықтар қазылып, қолайлы жағдай жасау арқылы тұрғындардың көгалдандырумен айналысып, жас ағаш көшеттерін отырғызып, көркейіп-гүлденуіне жол ашады деп сенемін. Өлкеміздің көркейіп гүлденуі, сәулеті мен дәулетін тасыту — сіз бен біздің перзенттік айнымас міндетіміз, – деді аудан басшысы.
Қазіргі уақытта 15 шақырым көлемінде кентішілік аяқ-су арықтарын қазу жоспарланған.
Сонымен қатар бүгінде Жосалы кентінде орналасқан «Дендропарк» саябағы қайта қалпына келтіріліп, жаңадан ағаш көшеттерін отырғызу, аяқ-сумен қамту бағытында қарқынды жұмыстар жүргізіліп жатыр.
