Вирус Қарағандыда да анықталды.
Қазақстандағы коронавирус бойынша 20 наурыздағы 08.30-дағы жағдай: коронавирус індетін жұқтырған тағы бес адам тіркелді. Осы сағатта Алматыда 22 адам, Нұр-Сұлтан бойынша 25 адам, Қарағандыда екі адам, жалпы 49 науқас тіркелді, — деп хабарлады Денсаулық сақтау министрлігі.
Ведомствоның ресми өкілі Диас Ахметшәріптің айтуынша, Қарағандыдағы екі науқас — Қазақстанның 1972 және 1971 жылы туған азаматтары, олар Минск — Қарағанды әуе рейсімен ұшып келген. Алматыдағы үш науқас — Германиядан келген 1979 жылғы әйел адам, Франциядан ұшып келген 1997 жылы туған ер адам және 1982 жылғы әйел адам. Бәрінің денсаулығы жақсы.
https://www.facebook.com/MinzdravRK/videos/581374402448923/
Бұған дейін Қазақстанда 44 адам коронавирус жұқтырғаны хабарланған еді. Нұр-Сұлтанда эпидемиология ахуалы бір тәулік ішінде өзгерген жоқ, Алматыда үш жаңа дерек тіркеліп отыр.
