Finprom.kz сарапшыларының мәліметінше, күнкөріс деңгейі әлеуметтік-демографиялық топтар бойынша былай жіктеліп отыр: 13 жасқа дейінгі балалар үшін 28 100 теңге, 18-ден асқан ер адамдар үшін 37 800 теңге, 18-ден асқан әйелдер үшін 30 000 теңге, зейнеткерлер мен қарттар үшін 29 800 теңге.

Күнкөріс деңгейі

Ең төменгі күнкөріс деңгейінің шамасы өңірлерде әртүрлі. Күнкөріс деңгейі ең жоғары өңірлердің бестігіне Маңғыстау облысы, Нұр-Сұлтан мен Алматы, Алматы және Атырау облыстары кіреді. Маңғыстау облысында 39 500 теңге, ол орташа республикалық деңгейден 22,8% жоғары. Нұр-Сұлтанда 37 200 теңге, республикалық деңгейден 15,6% жоғары. Алматыда 35 500 теңге, республикалық деңгейден 10,2% жоғары. Алматы және Атырау облыстарында күнкөріс деңгейі — 32 300 теңге.

Күнкөріс деңгейі

Күнкөріс деңгейі республика бойынша ең төмен өңір — Павлодар облысы. Мұнда көрсеткіш — 28 300 теңге, бұл орташа республикалық шамадан 11,9% төмен. Батыс Қазақстан, Қызылорда облыстарында да күнкөріс деңгейі жоғары емес — алғашқысында 28 900 теңге, Қызылорда облысында 29 400 теңге.

Қазан айында күнкөріс деңгейі шамасы еліміздің 17 өңірінің алтауында республикалық деңгейден жоғары болды. Қазақстан бойынша азық-түлік себеті — 17 800 теңге.