«Қазақавтожол» кәсіпорнының мәліметінше, Шығыс Қазақстан облысында жабысқақ қардың салдарынан 19 қазаннан бастап бірнеше тасжолда қозғалыс шектелген:
- «Өскемен — Риддер — РФ шекарасы» (15-105 шақырым, Белоусовка ауылы — Риддер)
- «Өскемен — Алтай — Қатонқарағай — Рахманов қайнары» (6-66 шақырым, Ушановское ауылы – Серебрянск).
Жексенбі күні сағат 19:45-те көктайғақ салдарынан «Алматы — Өскемен» жолында (778-967 шақырым, Аягөз — Қалбатау ауылы) қозғалыс тоқтатылды.
Жексенбі күні сағат 20:40-тан бастап «Алматы-Өскемен» тасжолының Қалбатау ауылынан Қасым Қайсенов ауылына дейінгі учаскесінде (971-1068 шақырым) қозғалыс шектелді.
«Облшығысжол» мәліметінше, жексенбі күні сағат 8.00-де облыстық маңызы бар «Өскемен — Тарғын — Самарское» жолы (62-145 шақырым, Тарғын ауылы — Самарское ауылы) тіркемесі бар жүк автокөліктері үшін жабылды.
