Алматыда Жетісу ауданындағы базарда өрт шықты. Металлопластика бұйымдары сақталатын бір қабатты қойма өртеніп жатыр. Өрт базарға жақын жерде орналасқан үйлерге өту қаупі бар.
Северное Кольцо көшесі, 78/1. Алдын ала ақпарат бойынша «Мизам» базарының аумағында контейнер жанып жатыр. Оқиға болған жерде жеке құрамның 43 қызметкері және 12 техника жұмыс істеп жатыр. Сонымен бірге автопоезд және қосымша көліктер жіберіледі, — деді Алматы ТЖД өкілдері.
Төтенше жағдайлар департаменті нақтылаған мәлімет бойынша базар аумағында жеке тұрған қойма жанып жатыр.
Өртті сөндіру үшін ІІМ ТЖК мен Алматы әкімдігі авиацияны көтереді. Алматы құтқару қызметінің Ми-8 және «Қазавиақұтқарудың» К-32 тікұшақтары өртті әуеден сөндіреді. Қазіргі уақытта әуе көліктері ұшуға дайындалып жатыр. Базардағы қоймадағы өрт күшейіп барады.
