Батыс Қазақстан облысының Теректі ауданына қарасты Долин ауылдық округінде «Қымызмұрындық» этнофестивалі өтті. Фестиваль мемлекеттік «Рухани жаңғыру» бағдарламасы аясында ұйымдастырылды және салт-дәстүрді дәріптеу, ұмыт болып бара жатырған ұлттық құндылықтарды жаңғырту мақсатын көздеді.
Әміре Айтбақин – қымызды алғаш зерттеген қазақ. Ол 1896 жылы Томск император университетінде ұлттық сусынның емдік қасиеті туралы ғылыми еңбегін қорғаған. Мұны растайтын құжаттар жақында көршілес елдің мұрағатынан табылды.
Сауса – сусын, жесе – тамақ, мінсе – көлік болған жылқы малының адам өмірі үшін пайдасы орасан. Ғылыми зерттеулер бойынша, жылқының қара етінің қоректік қасиеті өзге малдардың етіне қарағанда 24-25 пайызға көп болады екен.
