Түркістан облысында биыл 97 көпқабатты тұрғын үйдің құрылысы аяқталып, 6 мың отбасы қоныс тойын тойлайды. Барлық қаржыландыру көздерінен 855 мың шаршы метр тұрғын үй (5935 пәтер) пайдалануға беріледі. Бұл шамамен 100-ден астам футбол алаңының көлеміне тең. «Нұрлы жер» мемлекеттік тұрғын үй құрылысы бағдарламасы аясында құрылысы жүріп жатқан 5, 7, 9 және 12 қабатты үйлердің сапасы қатаң бақылауға алынды. Бұл туралы Түркістан облысы әкімінің баспасөз қызметі хабарлады.
