Осы күнгі әскери комиссариаттардың әлде бөлімшелердің, жалпы – Қазақстан Қарулы Күштерінің барлық нысандарының маңдайшасына жазып қоятындай сөздері көп-ақ. Вaribar.kz батыр атаның шығармаларын бір шолып өтіп, әскери өмірдің, тәртіптің, пәлсапаның мазмұнын ашатын, әрбір қазақ жауынгерінің жадында жүруі тиіс деген сөздерін теріп беріп отыр.
- Ерлік – тәрбие жемісі.
- Жауынгерлік тәрбие әскери киімде емес, жөргекте жатыр.
- Солдаттың анасы – Отанның анасы.
- Жақсы солдат командирге ұстаз, ал, жаман, ақымақ генерал командир түгілі солдатқа ұстаз бола алмайды.
- Соғыстың заңы – өте қатал заң.
- Жаман сарбаз шілде де шинель киіп жүріп тонады.
- Атақ – ерге сауға, олжа – елге сауға.
- Олжа елдікі, оған тимегін!
- Айбындана шапқаннан ажал сескенеді.
- Адал болмай – азаматпын демегін.
- Әдіссіздік — әлсіздік, ептілік те ерлік.
- Біз басқыншы емеспіз, ол есіңде болсын.
- Дұшпаның қашып – сен жеңсең, оның әйелі мен қызына көз салма!
- Беделің қайтса бекінгің, беделденіп алғанша.
- Бір жаралыға жәрдем беріп, оны аман алып қалған жауынгер – ұл тапқан анадан артық.
- Дұшпанды майдан шебінде аяма, алайда ол қолға түссе, оған сен мият болғын.
- Ерлік бағасы алтында емес, абыройлы атақта.
- Ер бақыты ел қолында, ел бақыты ерлер қолында.
- Ерсіз ел болмайды, елін ер таниды, ерлерін ел таниды.
- Екі сөзді – ер емес. Серт – ер серігі. Сертке көнбей өзіңе сенбе. Атақтың тіреуі – ар.
- Екі сөзді болып елеңдеп жүргеннен, бір сөзді болып мерт кеткен дұрыс.
- Ел үшін аянба – ерлігіңе сын.
- Елсіз ер болмайды.
- Ерлік елдің қасиеті, жүректілік жігіттің қасиетті.
- Ерді ел үшін, жігітті жұрт үшін мақта.
- Ежелден ел тілегі – ер тілегі адал ұл ер боп туса – ел тірегі.
- Екі сырттан қанға баттып таласса, қарсаққа жем болады.
- Ерлік елеусіз қалмасын.
- Еділ елдің тобығынан келмейді.
- Ел дегенде еміреніп, жұрт дегенде жүгініп қызмет еткін.
- Жерге тер төгіп, халыққа қан төгіп, қызмет етуден аянба.
- Жауды өлтірсең өлімнен құтылдың, өлтірмесең – өлімге тұтылдың.
- Жанын аямаған жан сауға.
- Жүгірсең де жүйемен жүгіргін, қалбалақтап қалт кетпегін.
- Жұртсыз жігіт болмайды.
- Жұрт үшін аянба – жігіттігіңе сын.
- Жанын аямай тиіскеннен, жау жалт бере жөнеледі.
- Жаралыға жаның шыққанша жәрдем бергін. Жазатайым кетпесін.
- Жағадан алған дұшпаннан, етектен алған ит қауіпті.
- Жауға жаныңды берсең де, сырыңды бермегін.
- Жан сенікі, сыр серіктеріңдікі, оны да ұмытпағын.
- Жаудың сырын жау білмес. Жағдайды білсең, жаңылмайсың. Ақылыңмен барлағаның, жау ниетін аңлағаның.
- Именіп жүріп көрген игіліктен, қарсыласып жүріп көрген бейнет артық.
- Қолбасшы аға – сарбаз іні.
- Қол көтермес шоқпарды беліңе байлама.
- Қарсыласқаннан дұшпан қаймығады.
- Қой бастаған арыстан тобынан, арыстан бастаған қой тобы артық.
- Қырағының өзі де, көзі де батыр.
- Қол көтерген дұшпаннан көрі қорамсаққа қолы жетпей өлген жауды сыйла.
- Қара бет болып шыққанша, қайрат көрсетіп өлген артық.
- Қайратыңа әдісіңді жолдас ет, әдісіңе ақылынды жолдас ет.
