Арыстанбек Мұхамедиұлы «Голос.Діти» байқауының жеңімпазы Данэлия Тулешовамен кездеседі

ҚР Мәдениет және спорт министрі Арыстанбек Мұхамедиұлы украиналық “1+1” телеарнасының "Голос.Діти" байқауының жеңімпазы Данэлия Тулешовамен кездеседі.

Кездесу барысында Данэлия Тулешова жақында өткен телевизиялық шоу жайлы пікірлерін айтып, өзінің жоспарларымен бөліседі.

Еске салайық, алматылық 10 жасар Данэлия Тулешова Украинадағы «Голос.Діти» ән байқауында жеңіске жеткен еді. Ол байқаудың финалында «Океан Ельзи» тобының орындауындағы «Не твоя війна» атты әнін шырқап, көпшілікті тәнті етті.

Айта кетейік, Данэлияның есімі “дән елі” деген мағынаны береді. Әкесі де, анасы да  -қазақ. Кәсіби вокалдан бөлек, Данэлия математика, физика пәндерін, қазақ, ағылшын тілдерін тереңдетіп оқитын курстарға қатысады. Бұл туралы ата-анасы «31-арнаға» берген сұхбатында айтқан болатын.

ДереккөзBaq.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз