Аталған станция Шанхайда орын тепкен және бір уақытта жүз автокөлікті қуаттай алады.
Lilac International бизнес орталығының жер асты тұрағында 50 Supercharger қуаттау станциясы пайда болды. Әр станция екі автокөлікке қызмет көрсете алады. Қуаттау кешені апта бойы үздіксіз жұмыс істейді.
Бұған дейінгі Supercharger желісіндегі ең үлкен қуаттау кешені Норвегияда орналасқан болатын. Онда 20 қуаттау нүктесі бар. Қазір Калифорнияда 40 орындық қуаттау кешені салынып жатыр.
Әлемде Supercharger-дің 1032 станциясы, 7320 қуаттау нүктесі бар. Олар Солтүстік Америкада, Еуропада, Азия мен Австралияда орналасқан.