• Тәбетті басу үшін тамақтанар алдында бір стақан томат шырынын немесе минералды су ішіңіз. Осылайша асқазан жартылай суға толады да, сіз әдеттегіден азырақ тамақ жейсіз.
•Психологтар көгілдір түсті ыдыспен тамақтануға кеңес береді. Тап осы түс адамға тыныштандыратын әсер береді екен. Ал ашық түстер, керісінше, тәбетті аша түседі.
• Көзіңізді алдаңыз. Шағын, терең емес ыдыспен тамақтаныңыз.
• Тұзды, бұрышты, сондай-ақ тәбетті арттыратын дәмдеуіштерді аз қабылдаңыз.
• Майлы азық-түліктерді, тіпті мереке кезінде де сатып алмаңыз.
• Тамақты асықпай, жайлап ішіңіз. Тойғаныңызды тек 20 минуттан соң ғана сезесіз. Сондықтан, 20 минут ішінде асқазаныңызды артық тамақпен толтырып алмаңыз.
• Кітап, газет оқып отырып, немесе теледидар көріп тамақтануды әдетке айналдырмаңыз. Семірудің бірден бір жолы осы.
• Тоңазытқышыңызда, жұмыс орныңыздағы сөреде аздап жеміс-жидек болғаны дұрыс. Қатты қарныңыз ашса, алма не сәбізді жеп алыңыз. Оларды көп жей алмайсың, бірақ пайдасы зор!
• Қарныңыз ашып тұрғанда, ешқашан дүкенге азық-түлік сатып алуға кірмеңіз. Осылайша сіз бітіміңізді бұзатын тағамдарды сатып алудан қорғана аласыз.
• Кәдімгі таңғы асты бидай, сұлы, қара бидай өскіндерінен бастаңыз. Тап осылардың құрамында майдың жиналуын азайтып, ағзадан артық сұйықтықты шығаратын «В» тобының дәрумендері көп.
• Көкөністердің құрамында жасұнық (клетчатка) көп болғандықтан, таңғы асты кез келген салаттан бастаған тамаша. Жасұнық қан тамырларын холестериннен тазартып, ішек жұмысын жақсартады.
• Асқазанды тез толтырып, зат алмасуды жақсарту үшін бұршақ, нұт, үрме бұршақ (фасоль), жасымық жеген дұрыс.
• Егер жатар орынға қарныңыз ашқанын сезсеңіз, тісіңізді тазалаңыз. Аштық сезімі айтарлықтай басылады.
• Аштықты басатын қарапайым жаттығу – 10-20 рет терең дем алыңыз.
• Көп тамақтанатындарға күніне 5 рет дастарханға жайғасуға кеңес беріледі. Және әр отырғанда құнарлылығы төмен тамақтан аздап жеген дұрыс.
• Сондай-ақ тәбетті қашыру үшін бір стақан шөптен даярланған шай ішсеңіз болады.
