Еліміздегі ең ірі автомобиль жолдары ақылы болады

Қазақстандағы ең ірі 3 автомобиль жолы жыл соңына дейін ақылы болады. Инвестициялар және даму министрлігі Автомобиль жолдары комитеті төрағасының орынбасары Сайранбек Бармақов осылай деді.

http://24.kz/kz/zha-aly-tar/ekonomika/item/184684-2020-zhyl-a-araj-elimizdegi-zholdardy-7-my-sha-yrymy-a-yly-bolady
Фото ашық дереккөзден

«Осы жылы біз «Астана-Теміртау», «Алматы-Қапшағай» және «Алматы-Қорғас» автомобиль жолдарын ақылы етеміз. Ал қалған 5 мың шақырым бойынша біз жоба-сметалық құжаттар әзірлеудеміз және оларды қараша айында аяқтаймыз. Келер жылы осы бағыттағы жұмыстар қолға алына бастайды. Келесі жылы 5 мың км жолды ақылы етуіміз керек» -, деді министрлік өкілі.

С.Бармақовтың айтуынша, аталған жолдардың ақылы ету жүйесі «Астана-Щучинск» трассасы бойындағыдай гибридті болады.

«Баға арнайы алқа отырысының шешімі негізінде нақтыланады. Бізде бұл мәселе бойынша тиісті шешім қабылдайтын арнайы комиссия бар. Әзірге 1 км жолдың құны 1 теңге. Әзірге өзгеріс жоқ. Ақылы жолдан түсетін пайда жолды күтіп, ұстауға жұмсалады. Жолды жөндеп, күтуге біз бюджеттен бір тиын да бөлмейміз»,- деді комитет төрағасының орынбасары.