Ресейдегі R&C көрмелік ғылыми-зерттеу орталығы Шанхай Ынтымақтастық Ұйымы мен Тәуелсіз Мемлекеттер Достастығы мемлекеттері астаналарының халықаралық іс-шараларды өткізу деңгейін зерттеп, рейтинг жасады. Зерттеу қортындысы бойынша үздіктердің көшін Бейжің, Мәскеу, Киев, Нью-Дели және Астана бастап тұр.
Үздіктер қатарында Бішкек, Ташкент, Душанбе, Минск, Кишинев, Нью-Дели, Исламабад, Ашхабад секілді астаналар бар.
Рейтингті құруда көп факторлы зерттеу пайдаланылып, сарапталған көрсеткіштер бес топқа біріктірілген:
Материалдық-техникалық база . Ол қаланың әртүрлі форматтағы іскерлік шараларды өткізу мүмкіндігін анықтайды.
Аймақты ілгерілету — іскерлік және ойын-сауық шараларын өткізу, қаланың туристік мүмкіншілігін көрсетеді.
Ивент индустриясы саласындағы дестинация саясаты — нарықтың барлық қатысушыларының әкімшілік үйлестіру деңгейін байқатады.
Ірі оқиғаларды өткізу — әртүрлі деңгейдегі шараларды ұйымдастырушыларға дестинацияның тартымдылығын көрсетеді. Соңғы үш жылда спорттық, мәдени, іскерлік, үкіметтік ауқымды халықаралық шараларды өткізу тәжірибесі бағаланады.
Аймақтың рекреационды мүмкіндіктері — дестинацияның туристік контентінің тартымдылығын білдіреді.
Айта кетейік, дестинацияның оқиғалық мүмкіндіктер рейтингісі — қазіргі таңда ресейлік нарықта баламасы жоқ жоба. Рейтингтің авторы R&C көрмелік ғылыми-зерттеу орталығы — Ресейдегі ивент индустрияда маркетингтік және консалтингтік қызметтердің толық спектрін ұсынатын жалғыз компания.
