«ҚазАвтоЖол» ҰК» АҚ БҚО филиалы қаржыландыру, бухгалтерлік есеп және есеп беру бөлімінің басшысы Ерлан Қажымов «Нұрлы жол» бағдарламасы аясында 100 шақырымнан астам күре жолда қайта жаңғырту жұмысы атқарылып жатқанын айтты. Жоспар бойынша, Орал — Тасқара күре жолындағы асфальт жамылғысының ені 9 метр, жалпы ені 15 метрге жеткізілмек.
Қазіргі сәтте жылдық жоспардың 30 пайызы орындалып үлгерген. Жол жөндеу жұмыстарына байланысты 300-ге жуық жұмыс орны ашылды.
Оған қоса автожолдарды күтіп ұстауға 950 млн теңге қарастырылып, соның 483 млн теңгесі игерілді.