Қазақ күресінен болатын басты додада әр белдесудегі жеңіс үшін 100 мың теңге тігілген.
3-ші орын алған балуан 1 миллион 800 мың теңге алса, оның бапкеріне 900 мың теңге беріледі.
2-ші орынға лайықты нәтиже көрсеткен балуанға 5 миллион 500 мың теңге табысталады. Ал, оның бапкері 1 миллион 800 мың теңге алады.
Барлық қарсыласына төтеп берген балуанға 1-ші орынмен бірге 25 миллион теңге беріледі. Үздіктің бапкері 3 миллион 500 мың теңге алады.
Естеріңізге салайық, «Қазақстан барысы» жарысы ЭКСПО-2017 аясында 3 шілде күні Астана қаласындағы «Барыс Аренада» өтеді. Оның финалына 34 балуан іріктелді. Биылғы додаға үш рет «Қазақстан Барысы» атағын алған Бейбіт Ыстыбаев қатыспайды. Әйтсе де, өткен жылдардың жеңімпаздары Ұлан Рысқұл, Айбек Нұғымаров және Мұхит Тұрсынов бұл турнирде бой көрсетеді.