«Алматы» ӘКК» АҚ Алматыда көктемгі маусымда демалыс күнгі азық-түлік жәрмеңкелерін тұрақты түрде өткізіп келеді. Бұл туралы Baribar.kz хабарлап отыр.

Жәрмеңкелерге Алматы мен Алматы облысының Еңбекшіқазақ, Талғар, Іле, Қарасай, Жамбыл аудандарының, сонымен қатар Шығыс Қазақстан облысының тауар өндірушілері қатысып жатыр. Сауда алаңдарында 1000-нан астам азық-түлік өнімі ұсынылған.

Ұйымдастырушылардың мәліметінше, 2026 жылдың басынан бері жәрмеңкелерде шамамен 8,5 мың тонна азық-түлік өнімі сатылған. Бүгінде демалыс күнгі жәрмеңкелерге 60 мыңнан астам адам келген.

Тұрғындарға қолайлы жағдай жасау мақсатында 16 мамырдан бастап Құлагер шағынауданы аумағында жаңа жәрмеңке өз жұмысын бастады. Алдағы уақытта жоба аясын кеңейтіп, Алматының барлық сегіз ауданын қамту жоспарланып отыр, — делінген хабарламада.

Жәрмеңкелер әр сенбі және жексенбі күндері сағат 09:00-ден 18:00-ге дейін өтеді:

Қазақфильм шағынауданы
Рысқұлбеков көшесі, 33/2
Меңдікұлов және Бектұров көшелерінің қиылысы
Масанчи көшесі (Әйтеке би – Гоголь көшелері аралығы)
Құлагер шағынауданы.

Сонымен қатар «Алматы» ӘКК» АҚ Бостандық және Әуезов аудандарындағы жәрмеңке алаңдарын кезең-кезеңімен жаңғырту жұмыстарын жүргізіп жатыр. Жоба санитарлық, сәулеттік және инфрақұрылымдық талаптарды жақсартуға бағытталған.

«Алматы» ӘКК» АҚ Алматыда көктемгі маусымда демалыс күнгі азық-түлік жәрмеңкелерін тұрақты түрде өткізіп келеді. Бұл туралы Baribar.kz хабарлап отыр.

Алматыда бейнебақылауы бар жаңа қоғамдық демалыс орны ашылды

11 тамызда Қазақстанның басым бөлігінде найзағай ойнап, жаңбыр жауады

Енді «Сергек» камералары электросамокат жүргізушілерін бақылайтын болады