21 сәуір күні Алматының Алмалы және Жетісу аудандарында су уақытша өшіріледі. Бұл туралы Baribar.kz хабарлап отыр.
«Алматы су» компаниясының мәліметінше, 21 сәуір күні сағат 09:00-ден 20:00-ге дейін желілердегі технологиялық жабдықтарды ауыстыру жұмыстары жүргізіледі. Осыған байланысты Алмалы ауданы аумағында су беру уақытша тоқтатылады.
Су өшірілетін нысандар:
- «12 месяцев» тұрғын үй кешені;
- «Райымбек парк» ТК;
- Life Town ТК;
- Seyfullin ТК;
- Индустриальная және Алексеева көшелеріндегі үйлер.
Сонымен қатар уақытша шектеу Жетісу ауданы аумағын да қамтиды. Атап айтқанда, Райымбек даңғылы – Төретай көшесі – Сейфуллин даңғылы – Бұлқышев көшесі аралығындағы квадратта су болмайды.
Компания тұрғындарды уақытша қолайсыздықтарға түсіністікпен қарауға шақырды.
