Не болды?
Шымкент базарларында жалған Coca-Cola сусыны сатылып жатқаны анықталды. Бұл туралы Baribar.kz хабарлап отыр.
Мәлімет
Әділет министрлігінің ақпаратына қарағанда, бұл жоспардан тыс тексеруге The Coca-Cola Company компаниясының ресми өтініші негіз болған. Компания өз құқықтарының бұзылғаны, қала сөрелерінде күмәнді өнімдердің пайда болғаны туралы мәлімдеген.
Қала базарларында жүргізілген жоспардан тыс тексерулер барысында заңсыз Coca-Cola сусындарын сату фактісі расталды. Тауарда таңбалау стандарттары бұзылған және сатушының рұқсат құжаттары болмады, — деп хабарлады баспасөз қызметі.
Тексеру нәтижелері бойынша ҚР ӘҚБтК-нің 158-бабы (басқаның тауар таңбасын, қызмет көрсету таңбасын, тауар шығарылған жердің атауын немесе көрсетілетін қызметтер үшін соларға ұқсас белгілерді заңсыз пайдалану) бойынша әкімшілік іс қозғалды.
Шымкент қаласының әділет департаменті кәсіпкерлерге жалған тауар сатқаны үшін жауапкершілік барын және мұндай тексеру іс-шаралары жүйелі түрде жалғасатынын ескертеді.
