Не болды?
Елена Рыбакина әлемнің бірінші ракеткасын жеңіп, Australian Open 2026 турнирінің чемпионы болды. Бұл туралы Baribar.kz хабарлап отыр.
Мәлімет
Қазақстандық теннисші финалда әлемнің бірінші ракеткасы Арина Соболенконы 2:1 (6:4, 4:6, 6:4) есебімен жеңді.
Ол финалға дейін мына теннисшілермен ойнады:
- 1/2 финал — Джессика Пегула (АҚШ): 6:3, 7:6 (9:7);
- 1/4 финал — Ига Швентек (Польша): 7:5, 6:1;
- 1/8 финал — Элиза Мертенс (Белгия): 6:1, 6:3;
- 1/16 финал — Тереза Валентова (Чехия): 6:2, 6:3;
- 1/32 финал — Варвара Грачёва (Франция): 7:5, 6:2;
- 1/64 финал — Кайя Юван (Словения): 6:4, 6:3.
Мемлекет басшысы құттықтады
Мемлекет басшысы Елена Рыбакинаны Australian Open теннис турнирінің финалындағы жеңісімен құттықтады.
Сізді Австралия ашық чемпионатындағы керемет, айқын жеңісіңізбен шын жүректен құттықтаймын! Сіз жеңіске деген ерік-жігеріңіз бен мінсіз шеберлігіңізді тағы да дәлелдедіңіз. Алдағы уақытта да ең беделді турнирлерде жеңіске жете беруіңізге тілектеспін! – делінген құттықтауда.
Анықтама
Елена Рыбакинаның кейінгі 10 жарысы топ-10-ға кіретін тенисшілерімен болған. Кейінгі 21 матчта 20 рет жеңіске жеткен.
Australian Open 2026 турнирі 18 қаңтар мен 1 ақпан аралығында өтіп жатыр. Жарыстың жүлде қоры – 74,9 миллион доллар. Жеңімпаз 2 793 365 доллар және рейтиңіне 2000 ұпай қанжығалайды.
