Шымкентте мемлекеттік қызметкерден 10 миллион теңге талап еткен блогер-журналист ұсталды. Бұл туралы ішкі істер министрлігі хабарлап отыр.
Тергеу мәліметінше, күдікті әкімдік қызметкерінен ақша талап етіп, бұл сомаға мемлекеттік органдардың қызметін әлеуметтік желілерде қаралайтын материал таратпауға уәде берген.
Блогер-журналист лауазымды тұлғадан 10 миллион теңге көлемінде ақша талап еткен. Ол материал жарияламау үшін осындай соманы алмақ болған, – деді полицейлер.
Қазір қылмыстық іс қозғалып, күдіктінің тұрғылықты жері мен кеңсесінде тінту жүргізілген. Нәтижесінде бірнеше электрон құрылғы мен өзге де заттай айғақтар тәркіленді.
Күдікті уақытша ұстау изоляторына қамауға алынған.
