Алматыда инженерлік желілер жаңарып жатыр. Осыған орай, бірқатар ауданда суық су уақытша тоқтайды.
Бұл туралы «Алматы Су» хабарлап отыр.
Компанияның хабарлауынша, 22 қазан күні сағат 23:00-ден 23 қазан күні сағат 05:00-ге дейін мына аумақтарда су болмайды:
-
Абай даңғылы – Сайын көшесі – Жандосов көшесі – Қарғалы өзені контурында, оның ішінде «Мамыр 1–7», «Атамекен», «Алмас», «Шабыт», «Жазира», «Қуаныш», «Таугүл» (Ықылас, Цветочная көшелері), «Достық» (Абай даңғылының оңтүстігі) шағын аудандары;
-
Абай даңғылы – Қарғалы өзені – Шаляпин көшесі – Әшімов көшесі аумағы.
Сонымен қатар Абай – Алтынсары – Шаляпин – Сайын көшелері арасындағы 6, 7, 10 А және 12-шағынаудандарда су қысымы төмендеуі мүмкін.
Коммуналдық кәсіпорын уақытша қолайсыздық үшін кешірім сұрап, тұрғындардан түсіністік танытуды өтінді.
