FIFA ерлер құрамаларының жаңа рейтиңі жарияланды. Қазақстан ұлттық құрамасы төрт сатыға төмендеп, 118-орынға тұрақтады.
Құрама Нигер мен Индонезияның арасында тұр.
Бұл көрсеткіш 2026 жылғы әлем чемпионатының іріктеу кезеңіндегі қыркүйектегі нәтижелермен байланысты. Астанада Қазақстан Уэльске 0:1 есебімен жол берсе, Брюссельде Бельгиядан 0:6 есебімен ойсырай ұтылды.
FIFA тізімінің көшбасында да өзгерістер болды:
- Испания бірінші орынға көтерілді,
- Франция екінші орнын сақтап қалды,
- Аргентина үшінші орынға түсті,
- Германия ТОП-10-нан шығып, 13-орынға сырғыды.
