Жетісу облысында қираған жол учаскесі жедел түрде қалпына келтірілді. Бұл туралы ТЖМ баспасөз қызметі хабарлап отыр.
Ақсу ауданында «Жансүгіров-Матай» автожолының 34-ші шақырымында су өткелінің тозуына байланысты темірбетон құбыры мен жол төсемінің бір бөлігі қирады, — деп жазылған хабарламада.
Көлік қозғалысы уақытша тоқтатылды. Жергілікті полиция қоршау белгілерін орнатты, ал ЖАО мен жол қызметінің күштері жедел жөндеу жұмыстарын жүргізді: құбыр өткелін төсеп, топырақты толтырып, нығыздады.
Қозғалыс қысқа мерзімде қалпына келтірілді. Қазір су транзитпен өтіп жатыр.
